Thursday, 30 July 2015

The 3 R's rule

The 3 R's rule: Role model, Repeat, Reward 💕 .
.
بتكلم لكم عن قاعده حلوه لتعليم الطفل اي مهاره وهي قاعده من ٣ خطوات:
١- Role model المثل الاعلى
٢- Repeat التكرار .
٣- Reward المكافأه
.
يعني مثلا اذا بتعلمين الطفل ياكل الفواكة ويحبها.. اول خطوه انتم تاكلونها ويشوفك الطفل وياكل معكم، كل يوم كرري نفس الشي وحطي الفواكة وكلي مع الطفل، والنقطة الاخيره كافأي الطفل ممكن مثلا مكافأه معنويه وتعزيز وتقولين له يعجبني انك تحب الاكل الصحي اللذيد 😋
.
.
تطبقينها مع اي مهاره تبين الطفل يتعلمها مثل دخول الحمام، تغيير الملابس وهكذا 🌷
.

ياليت تسوون #منشن للامهات
#ريتويت #ريبوست #تعليم #تدريب #اطفال #الرياض #جدة #الخبر #الظهران #القصيم #أمومة_بكل_الحب #امهات #روضة #حضانه

Wednesday, 29 July 2015

اتخاذ قرار السفر مع طفلك

اهلا.. نبغى نتكلم عن موضوع السفر مع الاطفال اقل من٣ سنوات.. القرار شخصي ١٠٠٪ مااحد يقدر يعطيك رأيه ويكون هو الصحيح او الخطأ، الموضوع كله يعتمد عليك وعلى ظروفك .
بحط نقاط واساليها نفسك وحطيها بعين الاعتبار قبل اتخاذ القرار 💕
.
١- هل عندك خيار اخار غير انك تاخذينه معاك؟ .
٢- هل بتحطينه عند امك او حد قرايبك وانتي مرتاحه ومتطمنه؟ .
٣- مدى تعلق طفلك فيك
.
٤- مدى وعي طفلك، في اطفال فوق سنتين ونص ويناسبهم السفر ويفهمون ويستمتعون
.
٥- حطي في بالك ان روتين الطفل بيتغير من ناحيه النوم والاكل واللعب
.
٦- هل معاك احد يسافرك بالسفره؟ احد من الاهل او خادمة؟
.
٧- لاتنسين ان وراك تغيير حفايظ وتغسيل رضاعات 😂
.
٨- بتاخذين معاك اغراض كثير😅 احرصي على تنظيم لسته قبل السفر بكل الاشياء اللي تحتاجينها وخاصه الحليب، الحفايظ عشان مايروح وقتك بالسفر تدورين بالصيدليات .
٩- اكل طفلك بيتغير فعندك خيار تطبخين له بالاوتيل او ياكل من المطاعم
.
١٠- ماراح تكونين براحتك ١٠٠٪ لان معاك طفل مرتبطه فيه طول الوقت فحطي ببالك هذا الشي ممكن وقت انتي تتسوقين والطفل يبي يلعب ويحوس فماراح تتسوقين براحتك.. يعني السفره لازم فيها تنازلات والذهاب لاماكن لعب 💕 .
.

١١- اماكن لعب الاطفال اقل من ٣ سنوات محدوده، والحدائق خيار حلو ومناسب .
.
١٢- مده السفر مهمه هل بتسافرين وقت طويل او رحله قصيره خفيفه؟
.
١٣- بلدان البحر خيار حلو والاطفال يستمتعون بالسباحه وانتي 
تستمتعين فيهم
.
١٤- خذي استعداداتك من ناحيه الادويه وكذا واحرصي على الذهاب الى بلد فيه خدمات مناسبه للصغار .
.
اذا انتي ترتاحين وطفلك معاك خذيه، اذا تأمنينه عند احد مثلك خليه حسب ظروفك واللي يريحك القرار قرارك  ولا يأنبك ضميرك 💕 اتمنى اكون افدتكم في الموضوع 🌷
.
.
ياليت تسوون منشن للامهات ✈️ واللي عندها نقاط اضافيه ياليت تشاركنا فيها 🌷

Wednesday, 22 July 2015

تدريب الطفل استخدام الحمام





اهلا.. موضوع تدريب الطفل دخول الحمام يشغل بال كل ام خاصه قبل دخول طفلها المدرسة تحس بضغط كبير 😅
حسب ماقريت في مواقع كثيره ان السن المناسب من عمر سنتين ونص وفوق يصير الطفل واعي وماياخذ معاك الموضوع الا ايام لان الطفل يصير يفهم و واعي.
بحط لكم تجربتي على شكل نقاط اسهل 😅
.
١- اول علامات استعداد الطفل هو انه يقرف ان وسخ على نفسه ويطلب منك تغيرين له بسرعه.
.
٢- يختبأ في مكان لحاله لانه يستحي
.
٣- انصح بتعليم الطفل مباشره على الكرسي العادي وذلك باضافه قطعه تلاقينها بمحلات الاطفال تصغر حجم الكرسي وفيها مساكات يتكي عليها الطفل (انا اخذت مثل اللي بالصوره من مذركير وسعرها اظن ١١٠ ريال)
.
٤- مااحب الكرسي الصغير الصراحه موضوع اني انظفه مقرف بالنسبه لي 😁😁
.
٥- ابدأي انك تشيلين الحفاظه وكل شوي ودي الطفل للحمام يحاول (صبي شوي مويه عليه) لان المويه تحفزه على التبول.
.
٦- قولي للطفل اذا احتجت الحمام علمني اوديك.. واذا سوا على نفسه (وهذا المتوقع بيصير كثير بالايام الاولى 😅) عادي لا تحسسينه بالذنب او انه اخطئ غيري بنطلونه واحسبي لك ساعه وارجعي دخليه الحمام يحاول
.
٧- استخدمي اسلوب تعزيز يحبه طفلك.. انا مثلا استخدمت  السبرايز اق رحت للسوبرماركت وشريت كميه وخبيتها.. وكل يوم الصباح قولي له اذا دخلت الحمام وفرشت اسنانك واكلت فطورك بعطيك مكافأه .. وبتشوفين الطفل يصير يتحمس 💪 (ان مع المكأفاه الماديه اذا صارت بتؤدي هدف مهم 😅) فتره والحمدلله معد صار يطلبها لانه خلاص صار استخدام الحمام عاده ومايحتاج تعزيز عليها .
.
٨- كل مره يخلص استخدام الحمام عززيه معنويا لان جدا مهم ضميه ىقولي انا فخوره فيك لانك تعرف تستخدم الحمام  ترا الطفل جداااا مهم عنده تحفيز امه ورضاها💕
.
٩- استخدمنا الايباد للحالات اللي نطول فيها 😅😅 وهي التدريب على رقم ٢ 🙈🚽
. .
١٠- احرصي دايم ان الطفل يغسل كويس بعد استخدام الحمام.. يتوضى ويغسل يده بعد كل استخدام 🚿
.
١١- استخدمي حفاظات كلوت في الطلعات لانها اسهل واسرع
.
١٢- لا تنسين تكافأين الخادمه كمان اذا كان لها دور معاك في تعليم الطفل على استخدام الحمام .

اتمنى اني افدتكم 💕 وياليت كل وحده تشاركنا بتجربتها 🌷 .
.
ياليت تسوون منشن للامهات اللي يهمهم الموضوع.. وشكرا

تنبيه قبل السفر والخروج للأماكن العامة

اهلين.. هذا الموضوع احب اعيد طرحه كل اجازه عشان الكل يستفيد 💕 .
.
طبعا اللحين كثير مننا يستحلي يكتب اسم طفله على اشياءه مثل البلايز، الشنطه، البطانيه وكذا 😅 .
بس في شي مهم لازم تنتبهون له! وهو لما تروحون اماكن عامه او في السفر ماتلبسونهم هذي الملابس اللي عليها اسمهم لان لا قدر الله ممكن يجي احد ينادي الطفل باسمه على انه يعرفه وياخذه 🙈 .
.
ياليت تسوون #منشن للمسافرين عشان يستفيدون ✈️
.
.
الله يحفظ عيالنا جميعا 💕

Monday, 20 July 2015

التبرع بدم الحبل السري

مع كل حمل لازم أفكر بالحبل السري! قبل كم سنه بدأت الشركات الي تجمع دم الحبل السري و تخزنه بإسم الأم أو الطفل و يقدرون يستخدمونه بعد كم سنه لا قدر الله لو احتاجوا له .. سألت دكتورتي عنه و قالت لي أفضل لو اتبرع فيه و اجعله صدقه جاريه عني و عن طفلي بدال ما اخزنه و ان شاء الله أني ما راح احتاجه .. للأسف المستشفيات الخاصة ما عندها تخزين للحبل السري لكن الدولة أنشأت في عام ٢٠٠٦ بنك وطني لدم الحبل السري .. ومن المستشفيات الي عندها بنوك حبل سري خاصه فيها مستشفى الملك فيصل التخصصي و مستشفى الملك فهد للحرس الوطني .. موجود تحت جزء من مقال عن دم الحبل السري .. و ممكن تقرون باقي المقال في الرابط (الرابط موجود في البايو)

ما هي الأمراض التي يمكن علاجها عن طريق زراعة دم الحبل السري؟

الخلايا الجذعية المستخلصة من دم الحبل، كما في زراعة نخاع العظم أو الخلايا الجذعية المستخلصة من الدم العادي، تعالج العديد من الأمراض نذكر منها:

سرطانات الدم : إبيضاض الدم أو اللوكيميا ، و الورم اللمفاوي أو سرطان الغدد الليمفاوية.
أمراض نقص المناعة الوراثي.
أمراض فشل نخاع العظم.
أمراض التمثيل الغذائي الوراثية (أو الأمراض الإستقلابية).
وفي الختام، أختي الحامل إن تبرعك بدم الحبل السري لوليدك لن يؤثر على صحتك ولا على صحة مولودك.

تبرعي بالحبل السري ولا تجعلي مصيره النفايات!  لا تحرمي نفسك عظيم الأجر، ولا تحرمي مريضاً فرصة الشفاء بإذن الله تعالى.  أختي المتبرعة، هنيئاً لك المولود الجديد وهنيئاً لك عظيم الأجر بإذن الله تعالى!

http://ngha.med.sa/Arabic/HealthAwareness/Articles/Pages/CordBloodDonation.aspx

لا تنسون تعملون منشن للحوامل 💕
.
تجدون المواضيع الخاصة في #الحمل على الهاشتاق  #أمومة_بكل_الحب_حمل

Thursday, 16 July 2015

قاىمه بتجهيزات المولود

السلام عليكم

حطيت في هذي القائمه مجموعة الأشياء الي حسيتها مهمه للمولود .. طبعا مو كل الأشياء ممكن تحتاجينها لكن للتذكير حاولت أخليها شامله قد ما أقدر
و طبعا ما أستغني عن اقتراحاتكم و اضافاتكم
اكتبوا لي آرائكم تحت الصوره

 والله يهون على كل حامل و يرزقها و البيبي الصحه والعافيه

للطباعه إحفظي الصوره على جهازك ثم قومي بطباعتها


إفطار الأطفال

جمعت لكم اقتراحات متابعاتنا لوجبة الافطار للأطفال بعمر السنه فأكثر


ساندوتشات
١- توست محشي جبن فيتا وشرائح خيار رقيقه
٢- توست محشي جبن فيتا وزيتون وزعتر
٣- توست اسمر مدهون بصلصة بيتزا وزيتون وجبنه موزاريلا ورشة زعتر (بالفرن)
٤- فرنش توست بر بالعسل
٥- توست بلبنه و عسل
٦- توست بلبنه وزعتر
٧- توست بزعتر وزيت زيتون
٨- توست بلبنه وزيتون
٩- توست مع جبنه بيضاء و طماطم
١٠- ساندوتش قشطه مع عسل
١١- ساندوتش جبنه بالعسل


بيض
١- بيض مخفوق وعليه شوي عسل مع خبز مفرود او توست
٢- بيض مسلوق



كورن فليكس
١- كورنفليكس مع حليب و عسل


بانكيك
١- بانكيك موز 
٢- بيضه مع شوفان و تفاحه و خففيها بملعقة حليب ورشة قرفه .. بعدين حطي عليها شوي عسل

فواكه
١- موزه
٢- تفاحه
٣- برتقاله
٤- تمر


زبادي
١- زبادي
٢- زبادي مع فراولة
٣- زبادي مع كرز
٤- زبادي مع توت
٥- زبادي مع عسل

مواقع تسوق







مجموعه من المواقع الي المقترحه لطلب ملابس الحمل 

www.asos.com
www.nordstrom.com
www.apeainthepod.com
www.nextdirect.com
www.motherhood.com
www.destinationmaternity.com
www.namshi.com
www.macys.com
www.yamoo.com.sa
www.oldnavy.com