Wednesday, 22 July 2015

تدريب الطفل استخدام الحمام





اهلا.. موضوع تدريب الطفل دخول الحمام يشغل بال كل ام خاصه قبل دخول طفلها المدرسة تحس بضغط كبير 😅
حسب ماقريت في مواقع كثيره ان السن المناسب من عمر سنتين ونص وفوق يصير الطفل واعي وماياخذ معاك الموضوع الا ايام لان الطفل يصير يفهم و واعي.
بحط لكم تجربتي على شكل نقاط اسهل 😅
.
١- اول علامات استعداد الطفل هو انه يقرف ان وسخ على نفسه ويطلب منك تغيرين له بسرعه.
.
٢- يختبأ في مكان لحاله لانه يستحي
.
٣- انصح بتعليم الطفل مباشره على الكرسي العادي وذلك باضافه قطعه تلاقينها بمحلات الاطفال تصغر حجم الكرسي وفيها مساكات يتكي عليها الطفل (انا اخذت مثل اللي بالصوره من مذركير وسعرها اظن ١١٠ ريال)
.
٤- مااحب الكرسي الصغير الصراحه موضوع اني انظفه مقرف بالنسبه لي 😁😁
.
٥- ابدأي انك تشيلين الحفاظه وكل شوي ودي الطفل للحمام يحاول (صبي شوي مويه عليه) لان المويه تحفزه على التبول.
.
٦- قولي للطفل اذا احتجت الحمام علمني اوديك.. واذا سوا على نفسه (وهذا المتوقع بيصير كثير بالايام الاولى 😅) عادي لا تحسسينه بالذنب او انه اخطئ غيري بنطلونه واحسبي لك ساعه وارجعي دخليه الحمام يحاول
.
٧- استخدمي اسلوب تعزيز يحبه طفلك.. انا مثلا استخدمت  السبرايز اق رحت للسوبرماركت وشريت كميه وخبيتها.. وكل يوم الصباح قولي له اذا دخلت الحمام وفرشت اسنانك واكلت فطورك بعطيك مكافأه .. وبتشوفين الطفل يصير يتحمس 💪 (ان مع المكأفاه الماديه اذا صارت بتؤدي هدف مهم 😅) فتره والحمدلله معد صار يطلبها لانه خلاص صار استخدام الحمام عاده ومايحتاج تعزيز عليها .
.
٨- كل مره يخلص استخدام الحمام عززيه معنويا لان جدا مهم ضميه ىقولي انا فخوره فيك لانك تعرف تستخدم الحمام  ترا الطفل جداااا مهم عنده تحفيز امه ورضاها💕
.
٩- استخدمنا الايباد للحالات اللي نطول فيها 😅😅 وهي التدريب على رقم ٢ 🙈🚽
. .
١٠- احرصي دايم ان الطفل يغسل كويس بعد استخدام الحمام.. يتوضى ويغسل يده بعد كل استخدام 🚿
.
١١- استخدمي حفاظات كلوت في الطلعات لانها اسهل واسرع
.
١٢- لا تنسين تكافأين الخادمه كمان اذا كان لها دور معاك في تعليم الطفل على استخدام الحمام .

اتمنى اني افدتكم 💕 وياليت كل وحده تشاركنا بتجربتها 🌷 .
.
ياليت تسوون منشن للامهات اللي يهمهم الموضوع.. وشكرا

No comments:

Post a comment